21.6.17

Exacto vere

Extremo vere
tempestate versantur
frondes caducæ.



Apricus adest,
quinis floribus fusus,
mensis Junius.
      Ex pipiatione Twitteriana hac.



Perstridentium
fenestram præteriit
hirundinum grex.



Volitantibus
hirundinibus, turdus
vesperi canit.



Responsum quærenti des licet aspera blando,
   sese decepit qui arserat hic animus;
pectus quod facile tamen ardori patet, Agnes,
   ne despectetur, nedum aditus nec amor.

15.6.17

Hispania dum ardet

Carolo Cabanillas.
Ludi ut reddantur piscinæ, Hispania dum ardet,
   monent præfecti frigidulis domibus.



Flavula feles,
noctu per stratam viam,
solitaria.



Hora cœperunt
ante lucem canere
turdi merulæ.



Merulæ primæ
silentioque noctis
aliquot rædæ.



“Amisit poma
ipsa dum stabat arbor
orbata fructu.”
      (Ex libro De remediis fortuitorum).



Ardente Sole,
vento refulgent motæ
fluminis undæ.



Agneti.
Audax quæ meditor tibi fassus quomodo furer,
   basia si dederis, Harpocrates veniam.

10.6.17

Tria haicua atque Agneti distichon unum

Saliens passer
simul binis pedibus
per pavimentum.


Grylli jam canunt:
adsunt noctes æstivæ,
sese non produnt.


Sole vix orto,
alternæ nubes velant
Lunam roseam.


Agneti.
Quoad pellis rugatur fers tibi nare placere,
   mente meum ac quærit umidulum os umeros.

8.6.17

Præterita non claudicant

Intra, inquis; tonitru tremula adfuerat tua canis.
   Pridem præteriit, nox mihi perpetua.
Regnum fluminis hortos! Non audiveris illa
   rursus, quorum oræ herbaque sint memores.
Juvit utraque manu versus lustrare: poetis
   codex est plenus. Hos tamen inscia alis.
Codicem istum cur servo? Mihi facta manebunt.
   Ipsa quamvis abes, abfore nostra nego.
         Ad Irisatum Yokohamensem

3.6.17

Inter castana carduelis agilis

Inter castana
carduelis agilis
parem sequitur.


Ortus lumina in umbris accipit insula summa,
   albus apparet murus item roseus.


Simul ac vespam
cepit rostrulo passer
prædam remisit.


Chloris herbaque
ad castani radices
virides ambæ.


Canis præ ræda
domina pavescente
viam transiit. 


Interdum canens
mundatur carduelis.
Mitis est vesper.


Saliens passer
simul binis pedibus
per pavimentum.

30.5.17

Coco cuniculus

Hodie ad mensas vialis tabernæ sedebamus juxta quandam aream lusoriam positas. Ejus areæ harena in imagine conspici potest subsequenti.



Inter mensas oscillaque versabatur puellula cuniculi domina, cujus parentes juxta nos ad mensam quoque potiones refrigerantes bibebant. Illa, cum videret me sæpius cuniculum intueri, comis rogavit utrum vellem eum tangere («¿Quieres tocarlo?»). «Certe», inquam.

Mater mea e puella quæsivit quomodo bestiola vocaretur; cui illa: «Coco». Ipse quod genus ei esset rogavi; tum puella: «Cuniculus est». Suavissimus erat cuniculus puellulæ.

26.5.17

Procul fulminat

Index æstatis,
per oppidum strepitat
noctu birota.



Procul fulminat,
fulgetque neque tonat 
cælum nocturnum.



Mater cum breviores vestes fecerit istas,
   quæ dea nudavit et sibi poscit Amor.



Insulis tecti ciconia maxima avium rivi.
Insulis tecti ciconia maxima avium rivi.
Insulis tecti
ciconia maxima
avium rivi.



Pomeridiem
ciconiæ rosæque
stabant in sole.



Nempe domi jucundum laxa sidere mente,
   pensa autem pergam pigritiam moderans.



Avium greges
per aera concordes
volatus agunt.



Aeriplanum
discedens sub vesperum
sulcum producit.